PE စစ်ဆေးမှု

ရာထူးတိုးမြှင့်ရေးအဖွဲ့ကို ၀န်ထမ်းရွေးချယ် လေ့ကျင့်ရေးဦးစီးဌာန ညွှန်ကြားရေးမှူးချုပ် ဥိးဝေမြင့်နှင့်အဖွဲ့ လာရောက် စစ်ဆေးစဉ်က ကျနော်၏ ထွက်ဆိုချက်ဖြစ်ပါသည်။ ဇော်ဂျီသို့ Convert လုပ် ဖောင့်ပြောင်း ထားသည့် အတွက် ဖတ်ရခက်သည်များ ရှိနိုင်ပါသည်။ PDF ဖြင့် ဖတ်နိုင်ရန်လည်း လင့်ပေးထားပါသည်။
…………………………………………………………
စီမံခန့်ခွဲမှုပညာဌာနမှ ကျွန်တော်ဦးညွန်လှိုင် ရိုသေစွာတင်ပြအပ်ပါသည်။
ပြည်သူ့ဝန်ထမ်းတဦးအနေဖြင့် ရာထူးတိုးမြှင့်ခြင်းခံရသည်ဆိုရာ၌ လူမှုအဆင့်အတန်းအားဖြင့် မြင့်တက်လာပါသည်။ လစာပိုမိုခံစားခွင့်ရှိလာပါသည်။ ဂုဏ်ဒြပ်အားဖြင့်လည်း တိုးမြှင့်ပေးရာ၊ ရာထူး အလျောက် ယခင်ကထက်ပိုမိုတိုးတက်လာပါသည်။ သို့ရာတွင် ဤအချက်များထက် ပိုမိုလေးနက်သော အချက်တချက်ရှိသေးသည်ကို ကျွန်ုပ်တို့မကြာခဏလျစ်လျူပြုတတ်ကြပါသည်။ ၄င်းအချက်မှာ အခြားမဟုတ် ရာထူးတိုးမြင့်လာသည်နှင့်မျှ ခံယူရမည့်တာဝန်သည်လည်း ကြီးမားလာခြင်းပင်ဖြစ်ပါသည်။ ကျွန်ုတော် တို့သည်ပုထုစဉ်လူသားများသာ ဖြစ်ကြသည့်အလျောက်၊ အဆင့်အတန်းပိုမိုမြင့်တက်လိုကြပါသည်။ လစာ ပိုမိုရရှိလိုကြပါသည်။ ရာထူးဌာနန်္တရအလျောက်ရအပ်သောဂုဏ်ဒြပ်ကိုလည်း ရလိုကြပါသည်။
သို့ဖြစ်၍ တာဝန်ပိုမိုထမ်းဆောင်နိုင်မည့် စွမ်းရည်သည်၊ ရာထူးတိုးမြှင့်ပေးရေးတွင် အဓိက လိုအပ်သော အရည်အချင်းပင်ဖြစ်ပါသည်။ ထိုကြောင့် အစိုးရအမှုထမ်းအရာထမ်းများသည်၊ မိမိတို့၏ အရည်အချင်း ပြည့်ဝရေးကို အထူးအလေးပြု ဂရုစိုက်ကျိုးစားသင့်ပါသည်။ အစိုးရဌာနများအနေဖြင့် အထက်တွင် ဖော်ပြခဲ့သည့်အတိုင်း၊ အမှုထမ်းများ အရည်အချင်းတိုးမြင့်လာစေရန်အတွက်၊ နည်းလမ်းအမျိုးမျိုး ဖန်တီးစီစဉ် ပေးလျက်ရှိကြရာ၊ အမှုထမ်းအရာထမ်းများသည် ထိုအခွင့်ကောင်းများကိုယူကာ၊ မိမိ တို့၏ကိုယ်စွမ်းဥာဏ်စွမ်း ထက်မြက်လာရေးအတွက်အထူးကျိုးစားသင့်ကြပါသည်။
ရာထူးတိုးမြှင့်ရေးကိစ်္စနှင့်စပ်လျဉ်း၍၊ မသိလျှင်မဖြစ်သည့် အရည်အချင်းစစ်မှတ်တမ်းအကြောင်းကို၊ အနည်းငယ်ဖော်ပြလိုပါသည်။ အရည်အချင်းစစ်မှတ်တမ်းသည် မှတ်တမ်းရေးခြင်းခံရသူ၏ လုပ်ရည်ကိုင်ရည် အကျင့်စာရိတ်္တစသည်တို့ကို၊ နှစ်စဉ်စစ်ဆေး၍မှတ်တမ်းတင်သောအစီအရင်ခံစာဖြစ်ပါသည်။
၎င်းအရည်အချင်းစစ်မှတ်တမ်းကို ကနဦးမှတ်တမ်းတင်သူသည်၊ စစ်ဆေးခြင်းခံရသူအား တိုက်ရိုက် ကြီးကြပ်ရသူဖြစ်၍ ၄င်း၏အကျင့်စာရိတ်္တ၊ စည်းကမ်းသေ၀ပ်မှု၊ လုပ်ရည်ကိုင်ရည် စသည်တို့ကိုနီးကပ်စွာ လေ့လာခွင့်ရှိသူဖြစ်ပါသည်။ ဤအစီရင်ခံစာများကို ကနဦးရေးမှတ်သူက တဖန် အထက်အရာရှိများအား ဆင့်ကဲဆင့်ကဲတင်ပြလျက် ရုံး၏မှတ်တမ်းအဖြစ် ထိန်းသိမ်းထားရပါသည်။

Performance Appraisal ကို နှစ်စဉ်လုပ်ရပါမည်။ ဌာနတာဝန်ခံများကဆောင်ရွက်ပြီး ဆက်လက် မတင်ပြမီ သက်ဆိုင်ရာဝန်ထမ်းကို ပြသရပါမည်။ အကောင်းကိုဖြစ်စေ ၊အဆိုးကိုဖြစ်စေ ကန့်ကွက်ပိုင်ခွင့် ရှိပါသည်။ သို့သော် ကထိကရာထူးတိုးမြှင့်ရေးကိစ်္စဆောင်ရွက်စဉ် ဒေါ်တင်တင်ဌေးက ပညာဌာနမှူးများအား ခေါ်ကာအတင်းအမှတ်ပေး လက်မှတ်ထိုးခိုင်းခဲ့ပါသည်။ ထိုစဉ်က စီမံဌာနမှူး ဦးသိန်းလွင် အမှတ်ပေး လက်မှတ်ထိုးပြီး ဌာနအခန်းတွင်းသို့ဝင်လာစဉ် “အနေကြာလို့မေဂျာမဖြစ်ဘူး” ဟု မျက်နှာပျက်စွာဖြင့် ပြောခဲ့ပါသည်။ ဦးသိန်းလွင် လက်မှတ်ထိုးပေးခဲ့ရသည့်ကိစ်္စတွင် စီမံခန့်ခွဲမှုပညာဌာနမှ အရာထမ်းစစ်စစ် တစ်ယောက်မျှမပါဝင်ပဲ သူများဌာနမှလူအတွက် လက်မှတ်ထိုးပေးခဲ့ရပါသည်။
စာမေးပွဲအဖြေလွှာများအား ကြိုတင်သိမ်းယူပြီး အခြားဌာနမှ (ပါမောက်္ခများကဲ့သို့) ပညာရှင်များကို ပြန်လည်စစ်ဆေး အမှတ်ပေးခိုင်းသင့်ပါသည်။ သို့မှသာ ကွာဟချက်များပေါ်ပေါက် သိရှိလာမည်ဖြစ်ပါသည်။ မသမာမှုများကို ဖော်ထုတ်နိုင်ပါမည်။ ယခုမူ၎င်းင်းတို့အတွက်ကြိုတင်ပြင်ဆင်ခွင့်ရသွားခဲ့ပါသည်။ အကြိမ်ကြိမ် ဥလနမအငာန ဆင်းခဲ့ကြသည်မှာ ညဥ့်နက်သန်းခေါင်အထိဖြစ်ကြောင်း အများစုသိရှိပါသည်။ ယခုမှ ယတြာချေ၊ ဘုရားတက်လုပ်နေကြပါသည်။ ယခင်က “ငါတို့မှန်တယ်၊ အားလုံးမျှမျှတတလုပ်ထားတာ၊ ဘာမှမဖြစ်ဘူးဟု ပြောခဲ့ကြပါသည်။ မှန်လျှင်ဘာမှယတြာချေရန်မလိုပါ။
၁၄.၁၁.၂၀၁၂(တနင်္လာ)နေ့တွင် တစ်ကျောင်းလုံးအစည်းအဝေးအပြီး ဒုချုပ်(လကရ)ဒေါ်တင်တင်ဌေး အခန်းတွင် (လကရ)မှဌာနတာဝန်ခံများကိုခေါ်၍ လျှို့ဝှက်အစည်းအဝေးလုပ်ပါသည်။ ဌာနအသီးသီးမှ ၀န်ထမ်းများအား အာမချောင်ရန်၊ ၀င်မပါကြရန် အမိန့်အာဏာဖြင့်ပြောခိုင်းခဲ့ပါသည်။ ၁၆.၁၁.၂၀၁၂ (သောကြာ)နေ့တွင်လည်း ကျွန်တော်အား ဒေါ်တင်တင်ဌေးနှင့် ဒေါ်မူမူမြင့်မှ ဒေါက်တာနန်းခင်သင်းစု ရှေ့တွင် အာမချောင်ရန် မလိုအပ်တာတွေမပြောရန်၊ မဆိုင်တာတွေမပါစေနဲ့ဟု ခေတ်္တပါမောက်္ခချုပ်မှ ပြောခိုင်း၍ပြောသည်ဟု ပြောခဲ့ကြပါသည်။ ကျွန်တော် မဟုတ်တာမတရားတာ လုပ်ထားခြင်းမရှိကြောင်း ကျွန်တော် တင်ထားသည့်ကိစ်္စအတွက် ကျွန်တော်တာဝန်ယူအာမခံကြောင်း ယခုကဲ့သို့ခေါ်ယူပြောသည်မှာ ခြိမ်းခြောက်ခြင်းပင်ဖြစ်၍ အဆုံးထိရင်ဆိုင်ဆောင်ရွက်သွားမည့်အကြောင်း ပြန်ပြောခဲ့ပါသည်။
အခြားဝန်ထမ်းများအား ပိတ်ပင်ဟန့်တားခြင်း၊ ခြိမ်းခြောက်ခြင်း၊ကျွန်တော်အား ခြိမ်းခြောက် ဟန့်တားခြင်းသည် မှန်ကန်သူတို့၏ လုပ်ရပ်မဟုတ်ပါ။ မိမိမှန်ကန်လျှင် အမှန်အတိုင်း ရပ်တည်ရဲရပါမည်။ ငါတို့မှန်တယ်ဟု ပြောခဲ့သတင်းဖြန့်ခဲ့ပြီးမှ လိုက်လံပိတ်ပင်နေခြင်း၊ ညွန့်လှိုင်ကြောင့် နည်းပြတွေရာထူး ပေးဖို့လုပ်မပေးနိုင်တော့ဘူး၊အပေါ်ကပဲခေါ်လိမ့်မယ်ဟု သပ်လျှိုဝါဒဖြန့်ခြင်းများသည်လည်း မှန်ကန်သူတို့၏ လုပ်ရပ်မဟုတ်ပါ။
ထို့အပြင်ဒေါ်နုနုကြည်အား ခေတ်္တပါမောက်္ခချုပ်မှ (၂)ကြိမ်၊ ဒေါ်တင်တင်ဌေးနှင့် ဒေါ်မူမူမြင့်တို့မှ အကြိမ်ကြိမ်ခေါ်ယူ ခြိမ်းခြောက်၊ နားချ၊ အပျော့ဆွဲနည်းအမျိုးမျိုးတို့ဖြင့် စည်းရုံးသိမ်းသွင်းနေခြင်း တို့သည်လည်း မှန်ကန်သူတို့၏လုပ်ရပ်မဟုတ်ပါ။ မိမိမှန်လျှင် ရဲရဲဝင့်ဝင့် ရင်ဆိုင်ရဲရပါမည်။ ယခုမူ နည်းလမ်းပေါင်းစုံသုံးကာ မသမာသောနည်းဗျူဟာများဖြင့် ကာကွယ်နေကြခြင်းသည် တာဝန်ယူမှု၊ တာဝန်ခံမှု ဟူသည့်ခေါင်းဆောင်ကောင်း၊ ၀န်ထမ်းကောင်းတို့၏ လုပ်ရပ်မဟုတ်ကြောင်း တင်ပြလိုပါသည်။
ယခုရာထူးတိုးမြှင့်မှုတွင် စီမံခန့်ခွဲမှုပညာဌာနမှတစ်ဦးတစ်ယောက်မျှမပါပဲ လူမှုရေးပညာဌာနမှ (၂)ယောက်နှင့် နိုင်ငံရေးပညာဌာနမှ (၁)ယောက်၊ ပေါင်း(၃)ယောက် ရောက်လာခဲ့ပါသည်။ ယင်းတို့မှာ ယခင်ဌာနများမှ ၄င်းတို့ဘာသာရပ်များကိုပင် ကျွမ်းကျင်ပိုင်နိုင်မှုမရှိပဲ စီမံခန့်ခွဲမှုပညာဌာနကဲ့သို့ မိမိတကယ် မသိပဲ ရွှီးရွှမ်းပြော၍မရသည့်ဘာသာရပ်များကို မည်သို့မျှကျွှမ်းကျင်ပိုင်နိုင်မှုမရှိနိုင်ပါ။ အလုပ်ဖြစ်ရုံအဖြစ် လုပ်၍သာရပေမည်။ ထို့ကြောင့် ၄င်းတို့အားစီမံခန့်ခွဲမှုပညာဌာနမှ ဘာသာရပ်များကို ယခုမှစတင်လေ့လာ ခိုင်းရမည့် အခြေအနေဖြစ်၍ တက်္ကသိုလ်အတွက် များစွာရင်လေးဖွယ်ရာပင်ဖြစ်ပါသည်။
ကျွန်တော်ပင် ၂၀၀၅ခုနှစ်က Association of Business Executive(ABE-UK)၏ Course တစ်ခုဖြစ်သော Adavance Diploma in Business Administration အတန်းကိုလည်းကောင်း၊၂၀၁၁-၂၀၁၂တွင် တရုတ်နိုင်ငံ ချင်းဟွာတက်္ကသိုလ်မှ International Master of Public Administration (IMPA)အတန်းကိုလည်းကောင်း၊ ပြည်တွင်းပြည်ပမှသင်တန်းများ၊ှနာငညမေများ၊ျွှသမျု့သစများကို မိမိအစီစဉ်၊ အဖွဲ့အစည်းအစီအစဉ်ဖြင့် လည်းကောင်း၊ ပြည်တွင်းပြည်ပမှ စီမံခန့်ခွဲမှု၊ ခေါင်းဆောင်မှုနှင့် စီးပွားရေးဆိုင်ရာစာအုပ်စာတမ်းပေါင်း (၁၅၀)ခန့် တက်ရောက်၊ လေ့လာ၊ ဆည်းပူးခဲ့သော်လည်း ယနေ့ထိပြီးပြည့်စုံမှုမရှိသေးဟု ခံယူမိပါသည်။ သို့ဖြစ်၍ယခုမှအစိမ်းသက်သက်လေ့လာမည့်သူများသည် ၃/၄နှစ်နှင့်ပြည့်ဝလာမည်ဟု မယူဆပါ။
(လကရ)မှ စာရေးမြင့်မြင့်မာသည် တပ်ခွဲတွင်တပ်ခွဲမှူးတစ်ဦး၏ မတော်မတရားပြုမူ ဆောင်ရွက် နေမှုအား တိုင်ကြားခြင်းမဟုတ်ပဲ တင်ပြခြင်းကို တပ်ခွဲမှဖယ်ရှားပြီး စာကြည့်တိုက်သို့ ပို့ခဲ့ပါသည်။ ယင်းကိစ်္စရပ်သည်ွမသကစငညါ ကိစ်္စပင်ဖြစ်ပါသည်။ အလားတူပင် လက်ထောက်ကထိက ဦးနိုင်လင်း၊ သုတေသနမှ ဦးကျော်ထင်၊ အထောက်အကူမှ ဦးသန်းအေးတို့သည်လည်း ဒေါ်တင်တင်ဌေးက သူ့လူ လက်ထောက်ကထိကဦးသိန်းဦးအား လဘ်ပေးလဘ်ယူမှု အမှုမှန်ပေါ်ပေါက်ခြင်းမှကာကွယ်ရန် ပါမောက်္ခ ချုပ်အား ဘေးတီးသွေးထိုးပေးကာ အပြစ်ရစေခဲ့ပါသည်။ ယခုလည်း အထောက်အကူဌာနစုမှ ဌာနစုမှူး ဦးကျော်ဝင်းအား ပျော့ကွက်ရှာ၊ အပြစ်ရှာလျှက်ရှိပါသည်။ ယင်းတို့အုပ်စုဝင်များနှင့် ပတ်သက်လာလျှင် အုပ်စုကိုကာကွယ်၍ ပတ်သက်လာသူကို သွယ်ဝိုက်သော်လည်းကောင်း၊ တိုက်ရိုက်သော်လည်းကောင်း အရေးယူမှုသည် အာဏာရှင်ဆန်မှု၊ ခေါင်းဆောင်မပီသမှု၊ အဖွဲ့အစည်းအကျိုးထက် မိမိအုပ်စုအကျိုးကိုသာ အရေးထားမှုဆိုသည့် ပြယုဂ်ပင်ဖြစ်ပါသည်။ သို့အတွက် ၀န်ထမ်းများမှာ အရာရာအကြောက်တရားများသာ လွှမ်းမိုးခံနေရပြီး အာဏာရှင်များ၏ အာဏာစက်ပြောသမျှ၊ ပြုသမျှ၊လုပ်မျှ အောင့်အီးခံနေကြရပါသည်။ အကယ်၍များ သီးခြားလွတ်လပ်စွာ တင်ပြခွင့်ရမည်ဆိုလျှင် တင်ပြလိုသူများပင် တန်းစီနေကြပါသည်။ ပြီးခဲ့သောရာထူးတိုးမြှင့်ရေးကိစ်္စသည်လည်း ထိုသို့ပင်အဖွဲ့အစည်း အကျိုးအတွက်ရှေ့ရှုမှုမရှိပဲ ၄င်းတို့၏ အုပ်စုဝင်များအကျိုးကိုသာ ရှေ့ရှုခဲ့ကြခြင်းဖြစ်ပါသည်။ ဤအပြုအမူ၊လုပ်ရပ်များသည် အဖွဲ့အစည်း၏ ဃစေခေငအပ ကိုကျစေရုံသာမက၊မကျေနပ်မှုများ၊ ပေါက်ကွဲသံစဉ်များဖြင့်သာအဖွဲ့အစည်းကိုထုံမွှမ်းစေပါသည်။
ဝန်ထမ်းထိန်းသိမ်းခြင်းနှင့်ချီးမြှင့်ခြင်းကိုနားမလည်သည်လား၊ နားမလည်ချင်ယောင်ဆောင်သည်လား ဆိုသည်မှာ ကာယကံရှင်များမှသာ သိပါလိမ့်မည်။ ပညာရှင်အ၀န်းအ၀ိုင်းတွင် ပညာရှင်မဆန်သော အပြု အမူနှင့်လုပ်ရပ်၊ ရာထူးတိုးမြှင့်ရေးလုပ်ထုံးလုပ်နည်းကို ဂဏသေချာစွာမသိမှု၊ ကြုံသလို ဟိုကွေ့ရောက်ရင် ဟိုတက်နဲ့လှော်၊ ဒီကွေ့ရောက်ရင် ဒီတက်နှင့်လှော်၊ ကျုပ်ကျက်လိ၊ ကြည့်ကျက်လုပ်နေသမျှကာလပတ်လုံး ကျွန်တော်တို့တက်္ကသိုလ်၏အရှိန်အ၀ါ တက်လာရန် အကြောင်းမရှိပါ။
အခြေခံစာရေးဝန်ထမ်းသင်တန်းမှ သင်တန်းသူတစ်ဦးသည် တပ်ခွဲအိမ်သာ၌ ကလေးမွေးသည့်ကိစ်္စ ဖြစ်ပွားခဲ့ပါသည်။ ယင်းကိစ်္စနှင့်ပတ်သက်၍ တပ်ခွဲမှသင်တန်းမှူး၊ တပ်ခွဲမှူးနှင့်သင်တန်းကြီးကြပ်များကို အကာအကွယ်ပေးခဲ့ပြီး တက်္ကသိုလ်ဆေးရုံအုပ်ကြီး ဦးစိုးဝင်းအားပုံချခဲ့ပါသည်။ တက်္ကသိုလ်တည်မြဲအမိန့်၊ သင်တန်းစည်းကမ်း၊ သင်တန်းဝင်ညွှန်ကြားလွှာတို့သည် လုပ်ငန်းလမ်းညွှန်ပင်ဖြစ်ပါသည်။ မွေးဖွားခါနီး ဗိုက်ကြီးသည်ကို ဗိုက်ကြီးနေမှန်းမသိဟူသော တပ်ခွဲကြီးကြပ်အဖွဲ့ကို အဘယ့်ကြောင့် အကာအကွယ်ပေးခဲ့ ပါသနည်း။ (၃)လခွဲသင်တန်းကာလ သင်တန်းသူများနှင့် နေ့စဉ်ထိတွေ့နေရပြီး အဘယ့်ကြောင့် မသိပါ သနည်း။ အပျိုဗိုက်သည် (၃)လကျော်သည်နှင့် သိသာထင်ရှားနေသည် မဟုတ်ပါလော။ ယခု မွေးဖွား ခဲ့သည်အထိ မသိဟူသည်မှာ ဖြစ်နိုင်ပါသလား၊ အခြားဝန်ထမ်းများမှာ ဘာမဟုတ်သည့်ကိစ်္စနှင့်ပင် အရေးယူ ခံနေကြရပါလျှက် ၄င်းတပ်ခွဲကြီးကြပ်အဖွဲ့ ဘာကြောင့်လက်မထောင်နေနိုင်ကြပါသနည်း။
Heart Failure è Chest Infraction ( နှလုံးနှင့်အမောဖောက်ရောဂါ) ရရှိနေသော အရာထမ်းငယ်သင်တန်း အမှတ်စဉ်(၅၀)မှ ကသ-၈၆ ဒေါ်ချမ်းမြေ့ဦးကို ဒေါ်မူမူမြင့်မှ သူ၏တူမဟုပြောကာ ကျန်းမာရေးကောင်းမွန်ကြောင်း ဆေးရုံအုပ် ဒေါက်တာစိုးဝင်းအား ထောက်ခံစေခဲ့ပါသည်။ သို့သော် ၁၉.၁၀.၂၀၁၁ နံနက် ၁း၃၀နာရီတွင် ရန်ကုန်ဆေးရုံကြီးသို့ အရေးပေါ်တင်ကုသခဲ့ရပါသည်။ ယင်းအပြုအမူနှင့်လုပ်ရပ်သည် လုပ်ပိုင်ခွင့်အလွဲသုံးမှု လက်အောက်ဝန်ထမ်းများအား မကောင်းသော စံနမူနာပြမှုပင် ဖြစ်ပါသည်။
၂၈.၄.၂၀၁၁နေ့တွင် တက်္ကသိုလ်တာဝန်မှူးကြီးအဖြစ် ဌာနစုမှူးဦးကျော်ဝင်း၊ လေ့ကျင့်ရေးတာဝန်မှူး အဖြစ်ဌာနစိတ်မှူး ဦးကျော်ရှိန်တို့တာဝန်ထမ်းဆောင်နေစဉ် ဒုရဲမှူး(ငြိမ်း) ဦးငြိမ်းမောင်၏သား မင်းနိုင် အမတေစမ်းရန် ဗဟိုကင်းမှရိုင်ဖယ်သေနတ်ခိုးထုတ်ခဲ့ခြင်းအား ခေတ်္တပါမောက်္ခချုပ်ထံတင်ပြရာ အရေးယူမှု မရှိပဲထိန်ချန်ခဲ့ပါသည်။ ဤကိစ်္စသည် လက်နက်မှုပင်ဖြစ်ပါသည်။ မည်သို့ညှိနှိုင်းအဆင်ပြေသွားသည်ကို ကာယကံရှင်များမှသာသိပါလိမ့်မည်။
၁၉.၁၁.၂၀၁၂(တနင်္လာ)နေ့တွင်အရာထမ်းသင်တန်း အမှတ်စဉ်(၁၉၁)မှ တပ်ခွဲမှူး ယခုကထိကပေး ထားသော ဒေါ်အေးအေးမူအား ခေတ်္တပါမောက်္ခချုပ်မှခေါ်ယူကာ သစ်တောမှသင်တန်းသူအား ဓါးကိုင်ထည့် ပေး၍မရဘူးလားဟု မေးခဲ့ပါသည်။ ၂၃.၁၁.၂၀၁၂(သောကြာ)နေ့ သင်တန်းဆင်းသောအခါ ထိုသင်တန်းသူ အပါအ၀င် သစ်တောမှ (၃)ဦးဆုရရှိခဲ့ပါသည်။ ဥက်္က်္ကဌကြီးက ဤတက်္ကသိုလ်အရာထမ်းများအား တွေ့ဆုံ မှာကြားစဉ် သင်တန်းဆင်းဆုပေးခြင်းကို စနစ်တကျဖြင့်တိကျမှန်ကန်စွာဆောင်ရွက်ကြရန်မှာကြားခဲ့ပါသည်။
၁၇.၁၁.၂၀၁၂(စနေ)နေ့တွင်ကထိကရာထူးတိုးမပါသူများ၏ အမှတ်စာရင်းကိုပြုလုပ်ကာ တန်းစီဇယား ရေးဆွဲခဲ့ပါသည်၊ အမှန်မှာမူ ရာထူးတိုးဆောင်ရွက်စဉ်ကပင် စနစ်တကျလုပ်ဆောင်ပြီး တန်းစီဇယား ရေးဆွဲကာမှတ်တမ်းထားခြင်း အထက်ရုံးသို့တင်ပြခြင်းများ ပြုလုပ်ရမည်ဖြစ်ပါသည်။ သို့သော် အဖွဲ့ရုံးသို့ ကထိကရာထူးတိုး တန်းစီဇယား အပြည့်အစုံပေးပို့ခဲ့ခြင်းမရှိပါ။ ယင်းကိစ်္စရပ်များအား ကြည့်ခြင်းအားဖြင့် လုပ်ထုံးလုပ်နည်းနှင့်မညီခြင်း စနစ်မကျနခြင်း တို့ကိုသိရှိနိုင်ပါသည်။
အုပ်စုဖွဲ့ဗိုလ်ကျနေမှုတို့ကို ပင်စင်မသွားမချင်း ခေါင်းငုံ့ခံနေကြရပါမည်လော။ မြန်မာနိုင်ငံ ဒီမိုကရေစီနိုင်ငံအဖြစ် ကမ်္ဘာ့အလည်ထင်ရှားပေါ်လွင်လာနေပါလျက် ဤတက်္ကသိုလ်တွင် ဘာကြောင့် ဒီမို ကရေစီမရပါသလဲ။ သမ်္မတကြီး၏ အကြံပေးဒေါက်တာနေဇင်လတ်က ၂၀၁၁ခုနှစ်လယ်ကပြောခဲ့ဘူးပါသည်။ ဗိုလ်မှူးက အပေါ်ကပြောင်းလဲလာပေမယ့် အလယ်မှာဗျူရိုကရက်တွေ ရှိနေပါသေးတယ်ဟု ပြောခဲ့ပါသည်။ ဗျူရိုကရက်တို့၏ဒဏ်ကို ကျွန်တော်တို့ဘယ်အထိ ကျောကော့အောင် ခံနေကြရမှာပါလဲ။ ယင်းအတွက် ဖြေရှင်းနည်း မရှိကြတော့ဘူးလားဟုပင် ၀န်ထမ်းများကပြောနေကြပြီ ဖြစ်ပါသည်။ အချို့ ၀န်ထမ်းများက ပြည်တွင်းပြည်ပမီဒီယာများမှ မကျေနပ်ချက်များကို ဖွင့်ချမည့်အကြောင်း လာရောက်တိုင်ပင်ကြသည်များပင် ရှိပါသည်။
ကျွန်တော်က အမှောင်လမ်းမှမလျှောက်ကြရန်နှင့် အလင်းမှသာ သတိ်္တရှိရှိ ရင်ဆိုင်သွားကြရန်ပင် နားချခဲ့ပါသည်။ ပြင်ပမှထိုးနှက်ချက်များကို ဖြေရှင်း၍လွယ်ကူသော်လည်း အတွင်းမှ အမှောင်ခိုထိုးနှက် လာပါကအဖွဲ့အစည်းအတွက် ပိုမိုဆိုးရွားလာနိုင်ပါသည်။ တက်္ကသိုလ်တွင်ဖြစ်ပျက်နေသည်များကို လက်မခံ နိုင်သော်လည်း အဖွဲ့အစည်းအတွက် ငဲ့ကွက်ကြရမည်သာ ဖြစ်ပါသည်။ မကောင်းတာလုပ်သူသာ မကောင်း ဒဏ်ပြန်ခံသင့်ပါသည်။ အဖွဲ့အစည်းကို ထိခိုက်နစ်နာစေမည့်ကိစ်္စရပ်ကို မလိုလားသင့်ဟု ယူဆမိပါသည်။
ပြည်သူ့ဝန်ထမ်း လုပ်ငန်းအရပ်ရပ်သည် ပြည်သူ့အကျိုးကို သယ်ပိုးရန်ရည်ရွယ်သည်ဖြစ်ရာ ၀န်ထမ်းသည် အများပြည်သူတို့၏ အကျိုးစီးပွားကိုဦးထိပ်ထား၍ တာဝန်ဝတ်္တရားများကို ထမ်းဆောင်မှသာ ပြည်သူ့ဝန်ထမ်း ဟူသော ဝေါဟာရ၏ အနက်အဓိပ်္ပာယ်နှင့်အညီ ၀န်ထမ်းကောင်းပီသပါမည်။ဝန်ထမ်းသည် ရိုးသားဖြောင့်မတ်ရန် လိုအပ်ပါသည်။ ရိုးသားသောဝန်ထမ်း၊ ဖြောင့်မတ်တည်ကြည်သော ၀န်ထမ်းများ ကိုသာ တာဝန်နှင့်လုပ်ပိုင့်ခွင့်များ အပ်နှင်းထားရန် ယုံကြည့်စိတ်ချရမည်ဖြစ်ပါသည်။ နိုင်ငံတော်၏အကျိုး၊ ပြည်သူတို့၏အကျိုးအတွက် လုပ်ငန်းဆောင်ရွက်ရာတွင် ထိရောက်အောင်မြင်စေရန် ရာထူးအလျှောက် အခွင့် အာဏာများကိုအပ်နှင်းထားရာ ၀န်ထမ်းသည် အာဏာကိုအလွဲသုံးစား မပြုမိစေရန် သတိကြီးစွာထား၍ စောင့်စည်းအပ်ပါသည်။ အဂတိတစ်ပါးပါးသို့လိုက်စားခြင်း၊ တံစိုးယူခြင်းတို့ကြောင့် လောကီလောကုတ်္တရာ နှစ်ဖြာသောအကျိုး ဆုတ်ယုတ်ပျက်စီးစေတတ်ပါသည်။
ဝန်ထမ်းအချင်းချင်း ဆက်ဆံရာတွင်ဖြစ်စေ၊ တာဝန်အရအများပြည်သူတို့နှင့်ဆက်ဆံရာတွင်ဖြစ်စေ ယဉ်ကျေးသိမ်မွေ့စွာပြောဆိုပြုမူအပ်ပါသည်။ ရိုးရိုးသားသား မသိနားမလည်သူတို့ကို စိတ်ရှည်စွာနည်းလမ်း ညွန်ပြခြင်းဖြင့် ကူညီသင့်ပါသည်။ မောက်မာစွာပြောဆိုခြင်း၊ ဆက်ဆံရေးညံ့ဖျင်းခြင်း၊ စာနာမှုကင်းမဲ့စွာ ပြုမူခြင်းတို့ကြောင့် အများပြည်သူတို့ ရုံးပြင်ကနားသို့သွားရောက်ရန် ကြောက်ရွံ့စိတ်ဖြစ်ပေါ်စေခြင်း၊ ဌာနတွင်း ထက်အောက်မပြောရဲမဆိုရဲ၊ မတင်ပြရဲသည့်အခြေအနေသည် မလိုလားအပ်သောအခြေအနေမျိုး ဖြစ်ပါသည်။
 
                                                                             လေးစားစွာဖြင့်

နှုတ်ဖြင့်အစစ်ခံချက် အသံဖိုင်များ...

https://drive.google.com/file/d/0BxjQoIYmAyQ0RmF0b0xva1NiWWc/edit?usp=sharing